ڈرامہ سیریل ’’عشق مرشد‘‘ نے جہاں مقبولیت ریکارڈ قائم کیے ہیں وہیں اس کی کاسٹ نے بھی اپنی صلاحیتوں کے بھرپور جوہر دکھائے ہیں، اداکار علی گل ملاح بھی کا کردار ’’بھلے‘‘ کافی مقبول ہوا ہے۔ڈراما سیریل ’’عشق مرشد‘‘ جتنا پاکستان میں مقبول ہے، اتنا ہی بھارت اور بنگلہ دیش میں بھی مقبول ہے۔ اس ڈراما سیریل کی مقبولیت کا یہ عالم ہے کہ اس کی ہر قسط مختلف ممالک میں اَپ لوڈ ہوتے ہیں ٹرینڈ کرنے لگتی ہے اور لوگ صرف شبرہ اور شہمیر (فضل بخش ) کی اداکاری سے محبت کرتے ہیں۔شبرہ اور شہمیر کے علاوہ اس ڈراما سیریل میں ایک کردار ایسا بھی ہے، جس نے ٹیلی ویژن ناظرین کو اپنی جانب سب سے زیادہ متوجہ کیا وہ ہے حقیقی فضل بخش عرف ’بھلے‘۔ یہ کردار سینئر سندھی فنکار علی گل ملاح نے ادا کیا ہے، علی گل ملاح نے ایک پوڈ کاسٹ میں سندھ انڈسٹری میں اپنے فنکارانہ کیرئیر کے بارے میں بتایا کہ انہیں ڈراما سیریل ’عشق مرشد‘ میں کردار ’’بھلے‘‘ کیسے ملا جس نے انہیں مین سٹریم میڈیا میں ایک لا کھڑا کیا۔علی گل ملاح نے انکشاف کیا کہ ڈراما سیریل عشق مرشد میں یہ ایک مکمل کردار کے طور پر نہیں لیا گیا تھا اور انہیں صرف بلال عباس خان کے ساتھ صرف 2 مناظر کرنے کیلئے کہا گیا تھا، میں یہ جان کر اس وقت حیران رہ گیا ڈراما سیریل میں میرے الفاظ ’بھلے‘ کتنے مقبول ہیں، جب میں دبئی کے لاہوری ریستوران میں کھانے کیلئے بیٹھا تو ویٹرز نے مجھے پہچان لیا اور بعد میں ریستوران کے مالک نے میرے ساتھ تصاویر بنوائیں اور مجھے بتایا کہ میں ان کا ذاتی مہمان ہوں، یہ بھی انکشاف کیا کہ ڈراما سیریل میں فضل بخش یعنی ’بھلے‘ کا مکمل کردار شامل نہیں تھا بلکہ فاروق رند نے انہیں کہانی کا لازمی حصہ بنایا، جس پر میں ان کا بہت شکر گزار ہوں کہ اس کردار نے ان کے کیریئر کو چار چاند لگا دیئے۔علی گل ملاح نے بلال عباس خان کیساتھ اپنے خوبصورت کام کے تجربے کو بھی شیئر کیا۔ ان کا کہنا تھا کہ بلال اتنے مقبول ستاروں میں سے ایک ہیں لیکن انہوں نے میرے ساتھ سیٹ پر بہت ہی اچھا کام کیا، وہ کہیں غلطی کرتے ہیں تو فوری سیکھ بھی لیتے ہیں، علی نے بتایا کہ بہت سے بڑے ستارے ڈائیلاگ کو کاٹنے کی کوشش کرتے ہیں کیونکہ وہ کسی منظر میں خود کو بولنے میں غیر محفوظ محسوس

کرتے ہیں لیکن بلال نے ہمیشہ بہتر سے بہتر کرنے کی کوشش کی۔