مودی حکومت کے لیے ایک اور دھچکا ، امریکا نے بھارت میں تیار ہونے والے آئی فونز پر نیا ٹیکس عائد کر دیا

امریکی صدر ڈونلڈ ٹرمپ نے آئی فون پر نیا ٹیکس عائد  کر دیا اور بھارت کو بڑے صدمے سے دوچار کر دیا ہے۔

امریکی صدرڈونلڈ ٹرمپ نے بھارت میں بننے والے ایپل آئی فون کی حوصلہ شکنی کے لیے ایک اور بیان دیتے ہوئے کہا کہ امریکا میں صرف وہی آئی فون فروخت ہوں گے جو امریکا میں ہی بنے اور تیار کیے گئے ہوں ناکہ بھارت یا کسی اور جگہ سےدرآمد کیےگئے ہوں۔

ان کا کہنا تھا ایسے آئی فون کی امریکا میں فروخت پر ایپل کمپنی کوٹیکس ادا کرنا ہو گا، اپیل کےمالک ٹم کک کو اس حوالے سے پہلے ہی آگاہ کر چکا ہوں۔

ٹرمپ کی یکم جون سے یورپی یونین پر 50 فیصد ٹیرف عائد کرنے کی سفارش

دوسری جانب امریکی صدر ڈونلڈ ٹرمپ نے یکم جون سے یورپی یونین پربھی 50 فیصد تجارتی ٹیرف عائد کرنےکی تجویز دے دی ہے۔

اپنے سوشل میڈیا پلیٹ فارم ٹروتھ سوشل پرجاری بیان میں ٹرمپ نےکہا یورپی یونین کےساتھ معاملات کرنا نہایت مشکل ثابت ہوا ہے۔

ان کا کہنا تھا کہ یورپی یونین کی تجارتی رکاوٹیں،ویٹ ٹیکس، کارپوریٹ جرمانے، غیر مالیاتی تجارتی رکاوٹیں، امریکی کمپنیوں کے خلاف غیر منصفانہ اور بلاجواز مقدمےاوردیگرعوامل نےامریکا کےساتھ سالانہ 25 کروڑ ڈالر سے زائد کا تجارتی خسارہ پیدا کیا ہے، جو کہ بالکل ناقابل قبول ہے۔