آرمی چیف جنرل عاصم منیرکا نارووال اور سیالکوٹ میں فیلڈٹریننگ مشقوں کا معائنہ
آرمی چیف جنرل عاصم منیر نےکہا ہےکہ مسلح افواج قوم کی پرعزم حمایت کے ساتھ تمام خطرات سےنمٹنےکی صلاحیت رکھتی ہیں۔
آرمی چیف جنرل عاصم منیرنے نارووال اور سیالکوٹ میں فیلڈٹریننگ مشقوں کا معائنہ کیا جہاں آرمی چیف کی آمد پرکورکمانڈرگوجرانوالہ اور انسپکٹرجنرل آف ٹریننگ اینڈایویلیوایشن نےان کااستقبال کیا۔
آئی ایس پی آر کےمطابق آرمی چیف کو مشق کے مقاصد اور انعقادکے بارے میں جامع بریفنگ دی گئی جب کہ مشقوں کا مقصد ابھرتےآپریشنل چینلجز سےنمٹنے کے لیے پیشہ ورانہ مہارتوں اور میدان جنگ کاطریقہ کار بہتر بنانا تھا۔
ججز تقرریاں، جوڈیشل کمیشن اجلاس 14 دسمبر کو طلب
آئی ایس پی آر کےمطابق آرمر، انفنٹری، میکنائزڈانفنٹری، آرٹلری، ائیررڈیفنس،آرمی ایوی ایشن، اینٹی ٹینک گائیڈڈ میزائل یونٹس نےمربوط فائراورمینیوورآپریشن کیے جب کہ برقی جنگی صلاحیتوں اورمعلوماتی آپریشنز کےمؤثراستعمال کابھی مظاہرہ کیاگیا۔
آئی ایس پی آرکے مطابق ان آپریشنزکو دشمن کے مواصلات میں خلل ڈالنے، جدید میدان جنگ کےماحول میں غلط معلومات کی حکمت عملیوں کا مقابلہ کرنے کےلیےڈیزائن کیا گیا۔
آئی ایس پی آر کا بتانا ہےکہ آرمی چیف نے دن فوجیوں کے ساتھ فیلڈ میں گزارااور فوجی جوانوں کے تربیتی معیار، آپریشنل تیاری اوربلند حوصلےکی تعریف کی۔
اس موقع پر گفتگو کرتےہوئےجنرل عاصم منیر نے کہا کہ مسلح افواج، قوم کی پرعزم حمایت کےساتھ تمام خطرات سے نمٹنے کی صلاحیت رکھتی ہیں، قومی حمایت سےمادر وطن کی علاقائی سالمیت اورخودمختاری کی حفاظت کرنے کی صلاحیت رکھتےہیں۔
