شہبازشریف،مریم نواز،علی امین گنڈاپور کے اثاثو ں کی تفصیلات آ گئیں

وزیر اعظم شہباز شریف کے پاکستان سے زیادہ اثاثے بیرون میں ملک ہیں ،وزیراعلیٰ پنجاب مریم نواز اور وزیراعلیٰ خیبرپختونخواعلی امین گنڈاپور کے اثاثوں کی تفصیلات منظرعام پر آ گئیں

فافن کی ویب سائٹ پر موجود اعداد وشمار بتاتے ہیں کہ اندرون ملک شہباز شریف کے اثاثوں کی مالیت ایک کروڑ 40 لاکھ روپے اور بیرون ملک اثاثوں کی مالیت 5 کروڑ 40 لاکھ روپے ہے۔2018کے انتخابات سے پہلے بیرون ملک شہباز شریف کے اثاثوں کی مالیت 14 کروڑ60 لاکھ اور اندورن ملک مالیت 20 کروڑ 50 لاکھ تھی۔سال 2024 کے الیکشن کے وقت صدر آصف علی زرداری کے کل اثاثوں کی مالیت 2 ارب روپے تھی جس میں بیرون ملک کوئی اثاثہ نہیں۔ 2018 میں جمع کروائی گئی تفصیلات کے مطابق صدر زرداری کے کُل اثاثوں کی مالیت 65 کروڑ 40 لاکھ روپے تھی جس میں سے 9 کروڑ 90 لاکھ روپے کے اثاثے بیرون ملک تھے۔

فافن کے اعداد و شمار بتاتے ہیں کہ سابق وزیر اعظم نواز شریف بیرون ملک 7 کروڑ 90 لاکھ روپے کے اثاثوں کے مالک ہیں جبکہ اندورن ملک ان کے اثاثوں کی مالیت7 کروڑ 40 لاکھ روپے ہے۔2024کے  الیکشن سے پہلے بلاول بھٹو زرداری کے کُل اثاثوں کی مالیت 1.9 ارب روپے تھی جن میں سے 1.7 ارب روپے کے اثاثے بیرون ملک تھے۔

رپورٹ کے مطابق وزیراعلیٰ پنجاب مریم نواز کے پاکستان میں اثاثوں کی مالیت 80 کروڑ روپے ہے جبکہ وزیراعلیٰ خیبرپختونخوا علی امین گنڈا پور کے پاکستان میں اثاثوں کی مالیت 9 کروڑ 60 لاکھ روپے ہے۔دونوں رہنماؤں کے بیرون ملک کوئی اثاثے نہیں۔