سلمان خان کافلم”سکندر“کیلئے120کروڑمعاوضہ لینےکاانکشاف
بھارتی اداکار سلمان خان کی جانب سے فلم ’سکندر‘کے لیے 120 کروڑ بھارتی روپے کا معاوضہ وصول کرنے کا انکشاف سامنے آگیا۔
بالی وڈ سپر اسٹار سلمان خان کی فلم ’ سکندر ‘سب سے زیادہ انتظار کے بعد ریلیز کی جانے والی فلموں میں سے ایک ہے جو کئی عرصے سرخیوں میں رہنے کے بعد بلآخر عید پر ریلیز کی جائے گی۔
ساجد ناڈیاڈوالا کی پروڈکشن میں بننے والی فلم ’سکندر‘ کی ہدایت کاری کے فرائض اے آر مروگادوس نے انجام دیے جب کہ فلم کا بجٹ 400 کروڑ بھارتی روپے ہے۔کیا تاہم یہ واضح نہیں کہ سلمان نے پروفٹ شیئرنگ ماڈل کا انتخاب فلم’ سکندر‘ کیلئے بھی کیا یا نہیں۔
دوسری جانب فلم میں سلمان خان کےعلاوہ رشمیکا منڈانا بھی مرکزی کردار ادا کررہی ہیں، دونوں پہلی بارایک ساتھ فلم میں جلوہ گر ہوں گے۔اداکارہ نے مبینہ طور پر اس فلم کے لیے 5 کروڑ بھارتی روپے وصول کیے اور کاجول اگروال کو مبینہ طور پر اس پروجیکٹ کے لیے 3 کروڑ روپے معاوضہ دیے جانے کا انکشاف ہوا ہے۔
یاد رہے کہ چند روز قبل فلم سکندر کے گانے زہرہ جبیں کا ٹیزر جاری کیا گیا تھا جس میں سلمان خان اور رشمیکا منڈانا کی دھماکے دار پرفارمنس نے تہلکہ مچادیا ہے۔
حال ہی میں سلمان خان نے بھی اپنے سوشل میڈیا ہینڈل پر فلم کا ایک نیا پوسٹر شیئر کیا ہے۔
اپنی پوسٹ کے کیپشن میں سلمان نے ایک بار پھر تصدیق کی کہ سکندر 28 مارچ 2025 کو عید الفطر کے موقع پر سنیما گھروں کی زینت بنے گی۔
