ندا یاسر نے اینکر رابعہ انعم کو کھری کھری کیوں سنا دیں؟

مارننگ شو میزبان ندا یاسر نے سابق نیوز اینکر رابعہ انعم سے ناراضگی کا اظہار کرتے ہوئے کہا کہ رابعہ نے براہ راست شو کے دوران میرا پروگرام چھوڑ کر مجھے ذلیل کیا ہے، اسے ایسا نہیں کرنا چاہئے تھا۔حال ہی میں ندا یاسر نے اداکار احمد علی بٹ کے یوٹیوب پوڈکاسٹ میں شرکت کی پوڈکاسٹ کے دوران ندا یاسر نے بتایا کہ ایک ٹیلی فلم کے دوران یاسر نواز نے انہیں شادی کے لیے اچانک پروپوز کیا، شادی کو لمبے عرصے تک چلانے کے لیے مرد اور عورت دونوں کو محنت کرنی ہوتی ہے، رشتے میں عزت اور دونوں میں برداشت ہونی چاہئے۔انہوں نے کہا کہ جب میاں بیوی دونوں کماتے ہوں تو صورتحال مختلف ہوتی ہے لیکن بعض اوقات مجھے مرد پر ترس آتا ہے کہ ایک مرد پانچ بچوں اور ایک بیوی کا پیٹ پالنے کے لیے اکیلے محنت کر رہا ہے، مغربی ممالک میں ایسا نہیں ہے، وہاں خواتین بہت محنت کرتی ہیں، نوکری بھی کرتی ہیں، گھر کے کام بھی اکیلے کرتی ہیں، کبھی کبھار طلاق بھی جلدی ہوجاتی ہے، ان کی زندگی آسان نہیں ہے، مردوں کے بھی حقوق ہیں، پورا دن باہر محنت مزدوری کرکے گھر آئے اور اپنی روٹی خود کیسے پکائے گا؟رابعہ انعم کی جانب سے براہ راست مارننگ شو کو چھوڑ جانے پر ندا یاسر نے کہا کہ وہ پہلے سے پلانڈ نہیں تھا، دراصل رابعہ کو معلوم نہیں تھا کہ مارننگ شو میں دوسرا مہمان کون ہے، انہیں صبح میک اَپ روم میں معلوم ہوا کہ اداکار محسن عباس حیدر بھی شو میں مدعو ہیں اگر رابعہ انعم کو میک اَپ روم میں دیگر مہمانوں کے بارے میں معلوم ہوگیا تھا تو انہیں پہلے مجھ سے بات کرنی چاہیے تھی، میں سیٹ پر موجود تھی، انہوں نے اس معاملے پر میری ٹیم سےگفتگو کی تھی لیکن مجھ سے بات نہیں کی تھی۔انہوں نے کہا کہ ’میں شو کی میزبان ہوں اور میرا کام سب کو عزت دینا ہے، کوئی فرشتہ نہیں ہوتا، ہمیں نہیں معلوم کہ لوگ اپنے گھروں میں کیا کر رہے ہیں، میں آرٹ کی قدر کرنے کے لیے آرٹسٹ کو عزت دیتی ہوں اگر انہیں محسن عباس کے ساتھ نہیں بیٹھنا تھا تو وہ کیمرے کے پیچھے یہ کام کرسکتی تھیں، یاد رہے کہ رابعہ انعم 8 نومبر 2022 کو ندا یاسر کے مارننگ شو میں بطور مہمان شریک ہوئی تھیں، جس میں ان کے ساتھ اداکار محسن عباس حیدر اور اداکارہ فضا علی بھی تھے۔ٹی وی پر کچھ ہی دیر پروگرام چلنے کے بعد رابعہ انعم نے میزبان ندا یاسر سے معذرت کرتے ہوئے پروگرام چھوڑ کر جانے کی اجازت مانگی، وائرل ہونے والی کلپس میں انہیں میزبان ندا یاسر کو بڑے احترام اور ادب سے پروگرام سے جانے کی اجازت مانگتے ہوئے دیکھا اور سنا جا سکتا ہے۔محسن عباس حیدر اور فاطمہ سہیل نے 2015 میں شادی کی تھی اور ان کا ایک بیٹا بھی ہے جو اب والدہ کے ساتھ رہتا ہے۔ندا یاسر نے اداکار و میزبان فہد مصطفیٰ کے ساتھ خاندانی دشمنی کا انکشاف کرتے ہوئے بتایا کہ فہد مصطفیٰ کے بڑے بھائی کے ساتھ میری نند کی شادی ہوئی تھی جوکہ کامیاب نہ ہوسکی اور طلاق پر ختم ہوگئی، جس پر صارفین نے کہا کہ ایسی وجہ سے فہد مصطفیٰ کبھی بھی ندا یاسر کے مارننگ شو میں بطورِ مہمان نہیں آئے۔