گردوں کی بیماری کی تشخیص کیلئےفیس ماسک بھی آگیا
گردوں کی بیماری کی تشخیص کیلئے فیس ماسک امریکا میں گرما گرم بحث کا موضوع بنا ہوا ہے۔
گردوں کی دائمی بیماری کا پتہ لگانے کے لیے فیس ماسک پہننے کے بارے میں کیا خیال ہے؟
جرنل اے سی ایس سینسرز میں شائع ہونے والی نئی تحقیق کے مطابق، ایک نیا تیار شدہ سرجیکل فیس ماسک جس میں سانس کے مخصوص سینسر شامل ہیں، درست طریقے سے گردوں کی بیماری کا پتہ لگا سکتا ہے۔ یہ ماسک کسی شخص کی سانسوں کا تجزیہ کرتا ہے تاکہ وہ ان گیسوں کو تلاش کر سکے جو گردوں کی بیماری سے وابستہ ہیں۔
اٹلی کی یونیورسٹی آف روم ٹور ورگاٹا میں ہائی بلڈ پریشر اور نیفرولوجی کی محقق ڈاکٹر اینالیسا نوس نے ایک نیوز ریلیز میں کہا، "اس ٹیکنالوجی کے نفاذ سے گردے کی دائمی بیماری کے مریضوں کے انتظام کو بہتر بنانے کی امید ہے اور بیماری میں ہونے والی تبدیلیوں کی بروقت نشاندہی کرنے میں مدد ملے گی۔
