وفاقی حکومت کاتنخواہوں میں ازخود اضافے پر نیپرا کو شوکاز نوٹس جاری

وفاقی حکومت نے تنخواہوں میں ازخود اضافے پر نیشنل الیکٹرک پاور ریگولیٹری اتھارٹی کو شوکاز نوٹس جاری کر دیا۔

رانا محمود الحسن کی زیر صدارت سینیٹ کی قائمہ کمیٹی کابینہ سیکرٹریٹ کا اجلاس ہوا جس میں وفاقی حکومت نے تنخواہوں میں ازخود اضافے پر نیپرا کو شوکاز نوٹس جاری کیا۔

ذرائع کے مطابق تنخواہوں میں اضافہ  کیلئےوفاقی کابینہ کی منظوری لازمی ہوتی ہے لیکن نیپرا اتھارٹی نے بغیر کسی منطوری کے تنخواہوں میں 20 سے 22 لاکھ روپے تک اضافہ کیا۔

سیکرٹری کابینہ کامران علی افضل کے مطابق نیپرا سے تنخواہوں میں اضافے کی وجوہات معلوم کرنےکیلئےوضاحت طلب کی گئی ہے۔

سیکرٹری کابینہ کا کہنا ہے کہ تنخواہوں میں اضافہ نیپرا ایکٹ کے سیکشن 8 کی خلاف ورزی ہے،نیپرا کو تحریری طور پروضاحت دینا ہوگی کہ انہوں نے یہ فیصلہ کیوں کیا؟

سیکرٹری کابینہ نے کہا کہ تمام ریگولیٹری ادارے وزیراعظم یا کابینہ کے ماتحت آتے ہیں۔