سونے کی قیمت میں اضافہ،ڈالرکی قدربھی بڑھ گئی

ملک میں سونے کی قیمت میں سیکڑوں روپے کا اضافہ ہوگیا۔ انٹربینک میں ڈالر کی قدر میں معمولی اضافہ دیکھنے میں آیا۔

آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 700 روپے کا اضافہ ہوا ہے جس کے بعد آج سونےکی فی تولہ قیمت 3 لاکھ 7 ہزار روپے ہے۔ملک میں 10 گرام سونےکی  قیمت بھی 601 روپے اضافے کے بعد 2 لاکھ 36 ہزار 203  روپے ہے۔عالمی صرافہ مارکیٹ میں سونےکی قیمت 5 ڈالر اضافے سے 2921 ڈالر فی اونس ہے۔

انٹربینک تبادلہ میں ڈالر کی قدر میں معمولی اضافہ ہوگیا۔اسٹیٹ بینک آف پاکستان کے مطابق کاروبار کے اختتام پر  انٹربینک میں ڈالر 279 روپے 87 پیسے پر بند ہوا۔انٹربینک تبادلہ میں ڈالر 10 پیسے مہنگا ہوا۔

گزشتہ روز انٹربینک تبادلہ میں ڈالر 279 روپے 77 پیسے پر بند ہوا تھا۔