حکومت کا وفاقی کابینہ میں توسیع کرنے کا فیصلہ

حکومت نے وفاقی کابینہ میں توسیع کرنے کافیصلہ کرلیا ہے کل10سے12 وزراء حلف اٹھا سکتے ہیں۔

ذرائع نے بتایا کہ کابینہ کا حصہ بننے والے نئے وزراء کل حلف اٹھائیں گے، حلف برداری کی تقریب کل شام 4 بجے ایوان صدر میں ہو گی، نئے وزرا کی تعداد کا حتمی فیصلہ وزیراعظم کریں گے

ذرائع کا مزید کہنا تھا کہ نئے وفاقی وزراء اور وزرائے مملکت عہدے کا حلف اٹھائیں گے، وزیر اعظم اور سروسز چیفس تقریب حلف برداری میں شرکت کریں گے۔

ایوان صدر کو نئے وزراء کی فہرست تاحال فراہم نہیں کی گئی،10 کے قریب نئے وزراء کی کابینہ میں شمولیت کا امکان ہے۔

ذرائع نے بتایا کہ طارق چوہدری،مصطفیٰ کمال، خالد مگسی اور حنیف عباسی بطور وزیر کل حلف اٹھائیں گے۔