اسد قیصر کی گنڈاپور کے ساتھ مذاکرات کےلیے رابطے کی تصدیق

پی ٹی آئی رہنما اسد قیصر نے وزیر اعلیٰ خیبرپختونخوا علی امین گنڈاپور کے حکومت کے ساتھ مذاکرات کےلیے رابطے کی تصدیق کر دی۔

سینئر رہنما پی ٹی آئی اسد قیصر نے کہاکہ 24 نومبر کے احتجاج کےلیے ہم نے حکمت عملی تبدیل کی ہوئی ہے،پشاور، مردان،چارسدہ اور نوشہرہ کے کارکنان صوابی سے اسلام آباد جائیں گے،باقی اضلاع کے کارکنان مختلف روٹس سے اسلام آباد کی طرف مارچ کریں گے۔

اسد قیصر نےکہاکہ علی امین گنڈاپور کےساتھ مذاکرات کےلیے رابطہ ہوا ہے اور اہم بات یہ ہے کہ عمران خان نے علی امین کو مذاکرات کی اجازت دی ہے،اب دیکھنا ہےکہ حکومت کتنی سنجیدگی سے اس ایجنڈے کو آگےبڑھاتی ہے۔

ڈیفالٹ کی باتیں کرنے والے آج کدھر ہیں؟آرمی چی

رہنما پی ٹی آئی اسد قیصر کا کہناتھا کہ بشریٰ بی بی غیرسیاسی خاتون ہیں جو حکم اور ہدایات ملتی ہےوہ صرف اور صرف عمران خان سے ملتی ہے،آپ ہمیں دیوار سے لگائیں گےتو احتجاج کے علاوہ ہمارے پاس کون سا راستہ ہے۔

انہوں نے مزید کہاکہ ہم سمجھتے ہیں ملک میں استحکام آنا چاہیے،اس وقت لا اینڈ آرڈر چیلنجز کا سامناہے۔

واضح رہے کہ تحریک انصاف نے 24 نومبر کو فیصلہ کن احتجاج کے طور پر دارالحکومت اسلام آباد کی جانب مارچ کی کال دی ہے۔