چاند پر سورج طلوع ہونے کا کا دلچسپ نظارہ ،تصاویروائرل

زمین پر تو سورج طلوع ہونے کا نظارہ بیشتر افراد نے دیکھا ہوگا مگر کیا آپ نے کبھی سوچا کہ چاند پر یہ منظر کیسا ہوتا ہے؟تصاویرسامنے آ گئیں۔

امریکی نجی کمپنی فائر فلائی ایرو اسپیس کا بلیو گھوسٹ نامی لینڈر گزشتہ دنوں چاند پر پہنچنے میں کامیاب ہوا تھا۔اب کمپنی نے لینڈر کی جانب سے کھینچی گئی چاند کی سطح پر سورج طلوع ہونے کی تصویر شیئر کی ہے۔یہ لینڈر 14 دن تک چاند کی سطح پر سائنسی تجربات کرے گا۔

اس لینڈر میں امریکی خلائی ادارے ناسا کے 10 پے لوڈز بھی ہیں جن کو ڈرلنگ ٹیکنالوجی کی آزمائش، گلوبل نیوی گیشن سیٹلائیٹ سسٹم کو جانچنے اور دیگر کاموں کیلئےاستعمال کیا جائے گا۔

فائر فلائی کی جانب سے تصویر کو ایکس پر پوسٹ کیا گیا۔تصویر کے کیپشن میں بتایا گیا کہ بلیو گھوسٹ رائیڈر نے چاند پر اپنے پہلے سورج طلوع ہونے کی تصویر کھینچی ہے۔بلیو گھوسٹ 2 مارچ کو چاند کی سطح پر اترا تھا۔