اسحاق ڈار3 روزہ دورے پر لندن پہنچ گئے

نائب وزیر اعظم محمد اسحاق ڈار تین روزہ دورے پر  برطانیہ پہنچ گئے۔

ترجمان دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار اپنے تین روزہ دورے کے دوران برطانوی نائب وزیراعظم اینجلا رینر اور پارلیمانی انڈر سیکرٹری برائے پاکستان ہیمش فالکنر سے ملاقاتیں کریں گے۔

دورے کے دوران وہ دولتِ مشترکہ کی سیکرٹری جنرل سے بھی ملاقات کریں گے، جبکہ لندن میں پاکستانی ہائی کمیشن میں پنجاب لینڈ ریکارڈ اتھارٹی کے منصوبے کا افتتاح کریں گے۔ اس منصوبے سے اوورسیز پاکستانیوں کو زمین کے کاغذات کے مسائل کے حل میں سہولت ملے گی۔

نائب وزیراعظم برطانوی اراکین پارلیمنٹ، کشمیری قیادت اور کمیونٹی نمائندوں سے بھی ملاقاتیں کریں گے۔