جناح ہاؤس حملہ کیس،اعجازچودھری سمیت 254ملزمان پرفرد جرم عائد

لاہور کی انسداد دہشت گردی عدالت نے9مئی کے دن جناح ہاؤس حملہ کیس میں پی ٹی آئی کے اعجاز چودھری،عمرسرفراز چیمہ سمیت 254 رہنماؤں اور کارکنوں پر فرد جرم عائد کردی گئی۔

تفصیلات کے مطابق انسداد دہشت گردی عدالت لاہور میں جناح ہاؤس حملہ کیس کی سماعت ہوئی۔ انسداد دہشت گردی عدالت کے جج منظر علی گل نے کوٹ لکھپت جیل میں سماعت کی۔

عدالت نے جناح ہاؤس حملےکے مقدمے میں 254 ملزمان پر فرد جرم عائدکردی۔ملزمان نے صحت جرم سے انکار کردیا۔

عدالت کی جانب سے عالیہ حمزہ، روبینہ جمیل، خدیجہ شاہ، اعجاز چوہدری، عمر سرفراز چیمہ اور محمود الرشید سمیت دیگر  پر فرد جرم عائد کی گئی۔

ملزمان نے صحت جرم سے انکارکیا ہے۔ جناح ہاؤس حملےکے دو ملزم وفات پا چکے ہیں جب کہ مقدمے میں 10 ملزمان کو اشتہاری قرار دیا جاچکا ہے۔