وزیراعظم سےخیبرپختونخواکےسیاسی رہنماؤں کی ملاقات،سیاسی امورپرتبادلہ خیال
وزیراعظم پاکستان شہباز شریف سے خیبر پختونخوا سے تعلق رکھنے والے ارکان پارلیمنٹ اور سیاسی قیادت نے ملاقات کی ہے۔
وزیراعظم ہاؤس سے جاری اعلامیہ کے مطابق ملاقات میں ملکی مجموعی سیاسی صورتحال پر تبادلہ خیال کیا گیا۔
ملاقات میں خیبر پختونخوا میں جاری ترقیاتی منصوبوں پر پیش رفت کے حوالے سے بھی گفتگو ہوئی۔ملاقات میں وفاقی وزرا انجینئیر امیر مقام، سردار یوسف، عطااللہ تارڑ، رانا مبشر اقبال، رانا ثنااللہ، ارکان پارلیمنٹ پیر صابر شاہ، کیپٹن صفدر، مرتضیٰ جاوید عباسی، اختیار ولی اور سردار مشتاق موجود تھے۔
واضح رہے کہ خیبرپختونخوا میں وزیراعلیٰ کی تبدیلی کے بعد سیاسی بے یقینی جیسی صورت حال ہے، ابھی تک سہیل آفریدی کابینہ تشکیل نہیں دے سکے۔
وزیراعلیٰ سہیل آفریدی بضد ہیں کہ وہ بانی پی ٹی آئی عمران خان سے ملاقات کے بعد کابینہ تشکیل دیں گے، تاہم ابھی تک انہیں عمران خان سے ملاقات کی اجازت نہیں مل سکی۔
