روسی وزیرداخلہ ولادیمیرپاکستان پہنچ گئے

پاکستان اور روس کے تعلقات میں نئے باب کا آغاز ہوگیا، وفاقی وزیر داخلہ محسن نقوی کی دعوت پر روس کے وزیر داخلہ ولادیمیر کولاکولتسیف 4 روزہ دورے پر پاکستان پہنچ گئے ہیں۔

اسلام آباد آمد پر وزیر مملکت طلال چوہدری نے روسی وزیر داخلہ کا پرتپاک استقبال کیا۔

دورہ پاکستان کے دوران روسی وزیر داخلہ پاکستانی قیادت سے اہم ملاقاتیں کریں گے، جن میں دونوں ممالک کے دوطرفہ تعلقات اور باہمی تعاون کے فروغ سے متعلق امور پر اہم بات چیت ہوگی۔

یاد رہے کہ یہ کسی بھی روسی وزیر داخلہ کا پاکستان کا پہلا دورہ ہے۔