مریم نواز کا اہل لاہورکیلئےمزید40الیکٹرک بسوں کاتحفہ

وزیراعلیٰ کی جانب سے لاہور کے لیے مزید 40 ’’الیکٹرو بسوں‘‘ کا تحفہ،نے لاہور میں2نئےروٹس پرالیکٹرک بسوں کے فیز ٹوکا افتتاح کردیا۔

تفصیلات کے مطابق ایکسپو سینٹر آمد پر وزیراعلی مریم نواز شریف کا والہانہ استقبال کیا گیا۔ تقریب گاہ میں گھنٹوں قبل عوام کا بے پناہ رش ہوگیا، کارکن پارٹی پرچم لے کر نعرے لگاتے رہے۔

وزیراعلی مریم نواز شریف کی گاڑی پھولوں کی پتیوں سے لد گئی، راستے میں ہر سو پھول ہی پھول بکھر گئے۔ تقریب میں الیکٹرو بس کے بارے میں دستاویزی فلم بھی دکھائی گئی

لاہور الیکٹرو بس پراجیکٹ فیز ٹو کے بارے میں بریفنگ میں بتایا گیا کہ عوام کی ضرورت کے پیش نظرفیز ٹو میں الیکٹرو بس دو نئے روٹ پر چلائی جائے گی، رائے ونڈ سے جناح ٹرمینل ٹھوکر نیاز بیگ تک الیکٹرو بس کا پہلا روٹ ہوگا۔

دوسرے روٹ میں الیکٹرو بس جناح ٹرمینل ٹھوکر نیاز بیگ سے ہربنس پورہ تک چلے گی

الیکٹرو بس میں بزرگ، خواتین، طلبا اور اسپیشل افراد سے کرایہ نہیں لیا جائے گا، الیکٹرو بس میں فری وائی فائی، موبائل چارجنگ پورٹ میسر ہوگی، خواتین کے الیکٹرو بس میں الگ کمپارٹمنٹ ہوں گے، سی سی ٹی وی سے مانیٹرنگ بھی ہوگی۔