آئی سی سی کی نئی رینکنگ جاری ، بابر اعظم ون ڈے بیٹرز میں سرفہرست

انٹرنیشنل کرکٹ کونسل ( آئی سی سی) نے ون ڈے، ٹی ٹوئنٹی اور ٹیسٹ بیٹرز کی رینکنگ جاری کردی۔

آئی سی سی کی جانب سےجاری ون ڈے بیٹرزکی رینکنگ میں پاکستان کے بابراعظم پہلی،بھارت کےروہت شرما بدستوردوسری پوزیشن پر ہیں جب کہ اس فہرست میں تیسری پوزیشن پر بھارت کے ی شبمن گل موجود ہیں۔

آئی سی سی کی نئی رینکنگ جاری ،بابر اعظم ون ڈے بیٹرز میں سرفہرست برقرار
ون ڈے بیٹرز کی رینکنگ میں پاکستان کےصائم ایوب ٹاپ ہنڈرڈ کھلاڑیوں میں شامل ہو گئے ہیں، زمبابوے کےخلاف سنچری اسکور کرنے کے بعد صائم ایوب رینکنگ میں 90 ویں پوزیشن پر براجمان ہیں۔

آئی سی سی ون ڈے بولرزکی رینکنگ میں پاکستان کے شاہین آفریدی پہلی پوزیشن کھوبیٹھے ہیں، شاہین ایک درجہ تنزلی کے بعد دوسرے اور راشد خان ایک درجہ بہتری کے بعد پہلے نمبر پر پہنچ گئے ہیں۔

آئی سی سی کی نئی رینکنگ جاری ، بابر اعظم ون ڈے بیٹرز میں سرفہرست برقرار
ٹیسٹ بیٹرزکی رینکنگ میں انگلینڈ کے جو روٹ کا پہلا نمبر برقرار ہے، بھارت کے یشسوی جیسوال 2 درجے ترقی کے بعد دوسرے نمبر پر جب کہ انگلینڈ کے کین ولیمسن کی تیسری پوزیشن ہے۔

ٹیسٹ بیٹرزکی رینکنگ میں پاکستان کے سعود شکیل ایک درجہ بہتری کے بعد 8 ویں نمبر پر پہنچ گئے ہیں۔

ٹیسٹ بولرزکی رینکنگ میں بھارت کے جسپریت بھمرا ایک بار پھر نمبر ون بولر بن گئے ہیں، بھمراکی رینکنگ میں 2 درجے ترقی ہوئی ہے جب کہ پاکستان کے نعمان علی کا رینکنگ میں 9 واں نمبر برقرار ہے۔

دوسرا ون ڈے: پاکستان نے زمبابوے کو 10 وکٹوں سے شکست دے دی

آئی سی سی کی نئی رینکنگ جاری ، بابر اعظم ون ڈے بیٹرز میں سرفہرست برقرار
ٹی ٹوئنٹی بیٹرزکی رینکنگ میں آسٹریلیا کے ٹریوس ہیڈ پہلے، انگلینڈ کے فل سالٹ دوسرے اور بھارت کے تلک ورما تیسری پوزیشن پر براجمان ہیں۔

ٹی ٹوئنٹی بولرز کی رینکنگ میں انگلینڈ کے عادل رشید کا پہلا، سری لنکا کے ونندیو ہرسنگا کا دوسرا اور آسٹریلیا کے ایڈم زمپا کا تیسرا نمبر ہے۔