ملک بھر کے صارفین کیلئے بجلی کی قیمت میں کمی کا امکان

کراچی سمیت ملک بھر کے صارفین کیلئے بجلی کی قیمتوں میں کمی کا امکان پیدا ہوگیا۔

کراچی سمیت ملک بھر کے صارفین کیلئے بجلی کی قیمت میں کمی کا امکان ہے، نیپرا کی جانب سے تقیسم کار کمپنیوں کی درخواست پر سماعت آج ہوگی۔

ڈسکوز نے بجلی تقریباً 2 روپے فی یونٹ سستی کی درخواست کی ہے جس بجلی صارفین کو 52ارب 12 کروڑ روپے تک ریلیف ملنےکا امکان ہے۔

درخواست کے مطابق کیپیسٹی چارجز کی مد میں 50 ارب 66 کروڑ روپے کی کمی اورٹرانسمیشن اینڈ ڈسٹری بیوشن نقصانات میں 2ارب 66 کروڑ روپے کی کمی مانگی گئی۔آپریشنز اینڈ میٹیننس کی مد میں 2 ارب 69 کروڑ روپے مانگے گئے ہیں۔

اکتوبر تا دسمبر 2024 کی سہ ماہی ایڈجسٹمنٹ کا اطلاق کے الیکڑک پر بھی ہوگا۔

الیکٹرک وہیکلز چارجنگ اسٹیشنز کو فی یونٹ بجلی 23 روپے 57 پیسے تک فراہم کئے جانے کا امکان ہے،ٹیکسز میں نظرثانی کے بعد چارجنگ اسٹیشنز کو بجلی 39 روپے میں پڑے گی۔

حکومت نے ای وی چارجنگ اسٹیشنز کیلئے نئے نرخ مقرر کرنےکیلئے نیپرا سے رجوع کیا ہے۔نیپرا وفاقی حکومت کی درخواست پرآج سماعت کریگا۔

حکومتی درخواست میں مؤقف اپنایا گیا کہ پہلے سے نافذ نرخ اور نئے نرخ میں فرق کو کراس سبسڈی کے ذریعے مینج کیا جائے گا،نئے نرخوں پرتمام ٹیکسز اور ایڈجسٹمنٹ کا طلاق ہوگا،نئے نرخوں سے 2030 تک ای وی اہداف حاصل کئے جا سکیں گے، 2030 تک پاکستان میں 30 فیصد گاڑیوں کو الیکٹرک پرمنتقل کرنا ہے۔