وزیراعظم کی آذربائیجان، آرمینیا کے درمیان امن پر امریکی تعاون کی تعریف
وزیراعظم شہباز شریف نے آذربائیجان اور آرمینیا کے درمیان تاریخی امن معاہدے کا خیر مقدم کرتے ہوئے اسے جنوبی قفقاز میں امن، استحکام اور تعاون کے نئے دور کا آغاز قرار دیا ہے۔
اپنے بیان میں وزیراعظم نے کہا کہ پاکستان ہمیشہ سے برادر ملک آذربائیجان کے ساتھ کھڑا رہا ہے، اور اس اہم پیش رفت پر صدر الہام علیوف اور آذربائیجانی عوام کو مبارکباد پیش کرتا ہے۔
وزیراعظم نے کہا کہ جنوبی قفقاز وہ خطہ ہے جو دہائیوں سے تنازعات اور انسانی المیوں کا شکار رہا ہے، اور یہ معاہدہ خطے کے مستقبل میں مثبت تبدیلی کی نوید ہے۔
شیر افضل مروت پارٹی میں شامل نہیں، سلمان اکرم راجہ کا واضح مؤقف
شہباز شریف نے امریکا کے کردار کو بھی سراہتے ہوئے کہا کہ پاکستان امن کے لیے امریکا، بالخصوص سابق صدر ڈونلڈ ٹرمپ کی سفارتی کوششوں کو قدر کی نگاہ سے دیکھتا ہے۔
یاد رہے کہ گزشتہ روز امریکی صدر ڈونلڈ ٹرمپ نے آذربائیجان کے صدر الہام علیوف اور آرمینیا کے وزیراعظم کو وائٹ ہاؤس میں مدعو کیا تھا، جہاں دونوں ممالک کے درمیان جنگ بندی اور امن معاہدہ طے پایا۔
