پی ٹی آئی نے اپنے ہتھکنڈوں سے ملک کی بے عزتی کرائی،وزیراعظم

وزیراعظم شہباز شریف نےکہا ہے کہ پی ٹی آئی والوں نےاپنےغیرقانونی ہتھکنڈوں سے ملک کی بےعزتی کرائی،دھرنوں کے سبب اسٹاک مارکیٹ نیچے آگئی،70ماہ بعد مہنگائی کم ترین سطح پرآگئی ہے۔

وفاقی کابینہ کےاجلاس میں خطاب کرتےہوئےوزیراعظم شہبازشریف نےکہا کہ70 ماہ بعد مہنگائی میں کمی آئی ہےاس سےعام آدمی کابوجھ کم ہوگا،افراط زر اب مزید کم ہوگا تاہم یہ فیصلہ اسٹیٹ بینک کوکرناہے۔

شہبازشریف نےکہا کہ گزشتہ دنوں دھرنوں نےملک بھر میں ایک ہیجانی کیفیت پیدا کردی تھی بالخصوص اسلام آباد میں ایک افراتفری کاعالم تھا،توڑ پھوڑ ہوئی، رینجرز اور پولیس والے شہید ہوئے، ان لوگوں نےاپنےغیرقانونی ہتھکںڈوں سے ملک کی بےعزتی کرائی۔

وزیراعظم نےکہا کہ دھرنے کےسبب ایک دن میں اسٹاک ایکس چینج کے پوائنٹس ساڑھے تین ہزار کم ہوگئے لیکن جیسےہی دھرنے کےخلاف کارروائی ہوئی اور دھرنا ختم ہوا تو اسٹاک مارکیٹ اگلےدن دوبارہ کم بیک کرگئی پچھلا نقصان بھی پورا کیا اور مزید گین کیا، اس کا مطلب ہےکہ استحکام ہوتومعیشت بہتر ہوتی ہے۔

شہبازشریف ںےکہ ہمیں معیشت کی گروتھ کی جانب بڑھناہے،مہنگائی میں کمی ٹیم ورک کا نتیجہ ہے،اس میں کمی پاکستانیوں کےلیےاچھی خبرہے،نواز شریف کے دور حکومت میں مہنگائی3.5فیصد پرتھی اوراب طویل عرصےبعد مہنگائی کم ہوکر4.9 فیصد کی سطح پرآگئی ہے۔

وزیراعظم نےکہ افغانستان سےاسمگلنگ زیرو ہوگئی ہےجس کی وجہ سےچینی کی قیمت نیچے آگئی یہ سب سےاہم فیکٹر ہے،ماضی میں لاکھوں ٹن چینی اسمگلنگ ہوتی تھی تو یہاں قیمتیں بڑھ جاتی تھیں اوراب چینی کی وافردستیابی کےسبب ایکسپورٹ بھی کی گئی،افغانستان اسمگلنگ کاخاتمہ رینجرزاور آئی بی کی وجہ سے نہیں بلکہ آرمی کی مکمل گرفت کی وجہ سےختم ہوئی۔

شہبازشریف کا کہناتھا کہ گزشتہ حکومت کےایک وزیرکےپائلٹ سےمتعلق بیان کے بعدیورپ میں پی آئی اےپرپابندی کےوجہ سےہمارا بڑا نقصان ہواتاہم اب اچھی خبرہےکہ پابندی ختم ہوئی میں اس پرخواجہ سعد رفیق کومبارکباد پیش کرتا ہوں۔

واضح رہے کہ اسلام آباد میں احتجاج عمران خان سمیت 92افراد کے وارنٹ گرفتاری بھی جاری کئے گئے ہیں