پنجاب میں ضمنی انتخابات کانیاشیڈول جاری

الیکشن کمیشن نے فیصل آباد اور ساہیوال کے5حلقوں میں ضمنی انتخابات کیلئے شیڈول جاری کردیا۔

ترجمان الیکشن کمیشن کے مطابق فیصل آباد اور ساہیوال کے پانچ حلقوں این اے 96 ، این اے104 ، این اے143 ، پی پی-98 اور پی پی203 میں ضمنی انتخابات23نومبر کو ہوں گے۔

الیکشن کمیشن کے شیڈول کے مطابق ریٹرننگ آفیسرز کے فیصلوں کے خلاف اپیلوں کی آخری تاریخ چوبیس اکتوبر مقرر  کی گئی ہے ، ٹریبونل اپیلوں کے فیصلے 31 اکتوبر تک کریں گے ۔

امیدواروں کی نظرثانی شدہ فہرست یکم نومبر کو شائع کی جائے گی ۔ امیدوار  تین نومبر تک اپنے کاغذات نامزدگی واپس لےسکتے ہیں ۔ چار نومبر کو پانچوں حلقوں میں انتخابی نشانات دیئےجائیں گے ۔ پولنگ 23 نومبر کو ہوگی ۔ الیکشن کمیشن نے ضابطہ اخلاق پر عملدرآمد یقینی بنانے کی ہدایت بھی کر دی ۔