تمام اہداف مکمل ، پاکستان کے فیٹف گرے لسٹ سے نکلنے کا امکان

پاکستان نے فنانشل ایکشن ٹاسک فورس (ایف اے ٹی ایف )کے تمام اہداف پورے کرلیے ہیں، جس کے بعد پاکستان کے فیٹف کی گرے لسٹ سے نکلنے کے امکانات روشن ہوگئے ہیں۔

نجی ٹی وی نے دفتر خارجہ کے ذرائع کے حوالےسے بتایا کہ ایف اے ٹی ایف کے اجلاس کیلئے متعلقہ امور کی نگرانی وزارت خارجہ کے سپرد کردی گئی ہے، جس کے بعد وزارت خارجہ نے اس حوالے سے محتاط حکمت عملی اپنانے کا فیصلہ کیا ہے۔

ذرئع کے مطابق فیٹف کا 4روزہ اجلاس 13سے 17جون تک برلن میں ہوگا، جس میں پاکستان سے متعلقہ امور 15اور 16جون کو پلینری سیشن میں زیر غور آئیں گے، اجلاس میں پاکستان کی نمائندگی کیلئے حنا ربانی کھر وفد کے ہمراہ برلن جائیں گی۔

ذرائع کا کہنا تھا ایف اے ٹی ایف کے آئندہ اجلاس سے پاکستان کیلئے اچھی خبر سامنے آنے کا امکان ہے، پاکستان نے گرے لسٹ سے وائٹ لسٹ میں واپسی کے تمام اہداف پورے کرلیے ہیں۔

Related Articles

Back to top button