پنجاب میں آندھی و طوفان سے ہونے والی تباہی اور نقصان کی 80 فیصد وجہ سولر پینلز قرار

پروونشل ڈیزاسٹر مینجمنٹ اتھارٹی (پی ڈی ایم اے) پنجاب کےڈائریکٹر جنرل نے پنجاب میں حالیہ آندھی اور طوفان کے باعث ہونے والے 80 فیصد نقصانات و تباہی  کی وجہ سولر پینلز کو قرار دیدیا۔

ڈی جی پی ڈی ایم اے پنجاب کا کہنا ہےکہ بارشوں کی پیشگوئی ضرور تھی لیکن اس شدت کی نہیں تھی، پنجاب میں مختلف واقعات میں 110 افراد زخمی ہوئے۔

ان کا کہنا ہےکہ پنجاب میں ہونے والے واقعات میں 80 فیصد نقصانات کی وجہ سولر پینلزکا اکھڑ جانا تھا، عوام سے درخواست ہےکہ سولر پینلز مضبوطی سے لگوائیں۔

انہوں نےکہا کہ پوری دنیا میں درجہ حرارت ایک سے دو ڈگری بڑھ چکا ہے،پاکستان میں اچانک چار سے پانچ ڈگری درجہ حرارت بڑھ جاتا ہے جس سے ہیٹ ویو آتی ہے۔

بھارت نے دریائے سندھ کا پانی روکنے کےلیے ماسٹر پلاننگ شروع کردی

ان کا کہنا ہےکہ درجہ حرارت میں کمی کیلئے سخت اقدامات کرنا ہوں گے، درجہ حرارت میں کمی کیلئے شجر کاری، اربنائزیشن پرکنٹرول کرنا پڑے گا۔

ڈی جی پروونشل ڈیزاسٹرمینجمنٹ اتھارٹی نےکہا کہ پپنجاب کے ہراسپتال میں ہیٹ اسٹروک سے بچنےکیلیے انتظامات کیے گئے ہیں۔