جنوبی وزیرستان ،ایف سی کی کارروائی، افغان خودکش بمبار گرفتار

فرنٹیئرکورخیبر پختونخوا نے جنوبی وزیرستان میں کارروائی کرکے افغان خودکش بمبار کو گرفتار کرلیا۔

سکیورٹی ذرائع کے مطابق گرفتار خود کش بمبار کی شناخت نعمت اللہ ولد موسیٰ جان کے نام سے ہوئی ہے۔گرفتار خودکش بمبار افغانستان کے صوبے قندھار کا رہائشی ہے۔

خودکش بمبار  نے بتایا ہےکہ خودکش حملےکی تربیت تین ماہ کی تھی، اس نے ایک ہفتےکی ٹریننگ لی۔تربیت میں اسے سکھایا گیا کہ گاڑی پر خود کش حملہ کیسے کرنا ہے۔

خودکش بمبار نے بتایا کہ وہ 40 لوگ  خوست میں اکٹھے ہوئے اور براستہ چیوار  پاکستان میں داخل ہوئے۔