سنجےدت نے مودی پرتنقید کے بعدوضاحت جاری کردی
بھارتی اداکار سنجے دت کو نام لیے بغیر مودی سرکار پر تنقید مہنگی پڑگئی، سوشل میڈیا پر ٹرولنگ کے بعد وضاحت دینے پر مجبور ہوگئے۔
گزشتہ دنوں سنجے دت نے ایک بھارتی ٹی وی شو میں کہا تھا کہ وہ بھارت میں پہلے جیسا امن محسوس نہیں کرتے،چاہتے ہیں کہ پچھلے دن واپس آجائیں۔
شو میں وزیراعظم بننے کی سنجے دت کی پرفارمنس سے بھی مودی کے حامی آگ بگولا ہوگئے تھے اور بالی وڈ اداکار کو سوشل میڈیا پر کافی ٹرولنگ کا سامنا کرنا پڑا۔
جس کے بعد سنجے دت کو وضاحت دینی پڑ گئی کہ ان کی پرفارمنس اسکرپٹڈ تھی۔
بھارتی میڈیا کے مطابق سنجے دت نے اپنے وضاحتی ویڈیو بیان میں کہا کہ میرا مقصد کسی فرد، برادری یا تنظیم کے جذبات کو ٹھیس پہنچانا، توہین کرنا یا بے عزتی کرنا نہیں تھا۔
