توشہ خانہ ٹو کیس: عمران خان اور بشریٰ بی بی کے خلاف سماعت منسوخ

اسلام آباد کی ڈسٹرکٹ اینڈ سیشن کورٹ میں بانی پی ٹی آئی عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی طے شدہ سماعت بغیر کسی کارروائی کے منسوخ کر دی گئی۔

ڈسٹرکٹ اینڈ سیشن جج شاہ رخ ارجمند کو اس کیس کی سماعت کرنا تھی، تاہم عدالت کے عملے نے عمران خان کے وکلاء کو مطلع کر دیا کہ آج کی سماعت منسوخ کر دی گئی ہے، اور کیس کی نئی تاریخ بعد میں دی جائے گی۔

دریائے چناب میں انتہائی اونچے درجے کا سیلاب، تمام اضلاع کو ہائی الرٹ جاری

یاد رہے کہ اس کیس کی آخری سماعت 26 اگست کو اڈیالہ جیل میں ہوئی تھی، جس کے بعد 27 اور 30 اگست کی تواریخ پر بھی کیس بغیر سماعت ملتوی ہو چکا ہے۔

عدالتی ذرائع کے مطابق، اب کیس کی آئندہ سماعت کی تاریخ کا اعلان عدالت کی جانب سے علیحدہ سے کیا جائے گا۔