سموگ سے نمٹنے کیلئے پنجاب میں 3روز کیلئےجزوی لاک ڈاؤن نافذ

سموگ کی صورتحال سے نمٹنے کیلئے پنجاب میں 3روز کیلئے جزوی لاک ڈاؤن نافذ،تعلیمی ادارے بند ،مارکیٹس،شاپنگ سینٹرز شام 3بجے کےبعدکھلیں گےجبکہ اتوار کے روزتمام کاروباربند رہیں گے۔

 تفصیلات کے مطابق سموگ بڑھنےکے ساتھ ہی حکومت نے لاہور،فیصل آباد،گوجرانوالہ،ملتان،ساہیوال،سرگودھا ڈویژن میں جزوی لاک ڈاؤن نافذ کردیا۔تعلیمی ادارے بھی بند رہیں گے۔مارکیٹس کو بھی شام 3بجے کےبعدکھلنےکی اجازت دی گئی ہے۔

دوسری جانب لاہور میں آج بھی ایئر کوالٹی انڈیکس 352 ریکارڈ کیا گیا جس کے سبب دنیا کےآلودہ ترین شہروں میں لاہور کا شمار پہلے نمبر پرکیا جارہا ہے۔اس کے علاوہ پنجاب کے دیگر شہر گوجرانوالہ، فیصل آباد اور ملتان میں بھی اسموگ کے ڈیرے برقرار ہیں۔

ترجمان محکمہ صحت کاکہنا ہےکہ  شہروں کی فضا انتہائی مضر صحت ہونے کی وجہ سے 24 گھنٹوں میں اسموگ کی شدت سے بیمار ہوکر 66 ہزار  سے زائد افراد اسپتال پہنچ گئے۔اسموگ کے باعث شہریوں کو نزلہ، زکام، بخار اور گلے میں انفیکشن کی شکایات ہورہی ہے جس پر طبی ماہرین نے شہریوں کو ماسک کے استعمال کی ہدایت کی ہے۔