ٹک ٹاک کی مدھوبالا

15 اکتوبر, 2019

سوشل میڈیا نے کئی لوگوں کی زندگی کو بدلا ہے اور کئی افراد کیلئے مقبولیت اور دنیا کی توجہ حاصل کرنے کا سہارا بھی بنا ہے۔کچھ ایسا ہی ماجرا انڈیا میں ٹک ٹاک استعمال کرنے والی ایک لڑکی کا ہے جو راتوں رات سوشل میڈیا پر مشہور ہوگئی ۔ٹک ٹاک سٹار پرینکا کندوال کی مقبولیت کی وجہ بالی وڈ کی مشہور اداکارہ مدھو بالا پر فلمائے گئے گیتوں پر ان کی ’لب سنگنگ‘ کی ویڈیوز ہیں۔


پرینکا کندوال نے مدھو بالا پر فلمائے گئے بالی وڈ کے شاہکار گانوں پر ’لب سنگنگ‘ کی ہے اور ان ویڈیوز کو سوشل میڈیا پر شیئر کیا ہے۔مدھو بالا کی فلموں پر ان کی ’لپ سنگنگ‘ کی ویڈیوز انٹرنیٹ اور سوشل میڈیا پر اتنی مقبول ہوئی ہے کہ پرینکا کندوال کا نام ہی ’ٹک ٹاک کی مدھو بالا‘ پڑ گیا ہے۔
ٹویٹر پر شیئر کی گئی ویڈیو ز میں پرینکا کندوال نے بالی وڈ کے پرانے گانوں جیسا کہ فلم ’چلتی کا نام گاڑی‘ کے’حال کیا ہے جناب کا‘ فلم ’کالا پانی‘ کے ‘اچھا جی میں ہاری‘ ’بمبئی کا بابو‘ کے ’دیکھنے میں بھولا ہیں‘ پر لپ سنگنگ کی ہے۔


بلیک اینڈ وائٹ فریم میں ریکارڈ کی گئی ویڈیوز میں پرینکا چندوال نے اپنے آپ کو متوفی اداکارہ مدھو بالا کے روپ میں ڈھال دیا ہے۔
پرینکا چندوال نے مدھوبالا پر فلمائے گئے گانے ’پگلے ہیں پگلے‘ پر اپنی ’لپ سنگنگ‘ کی ویڈیو ٹویٹر پر شیئر کرتے ہوئے لکھا ہے کہ مدھوبالا جی کے گانوں پر میری ویڈیوز کو پسند کرنے کا شکریہ۔ یقینا وہ (مادھو بالا) ایک جادو ہیں دونوں میں کوئی تقابل نہیں۔ یہ تو بس تفریح کے لیے ہیں۔ یہ ویڈیوز بناتے ہوئے میں نے سوچا بھی نہیں تھا کہ آپ ان کو اتنا پسند کریں گے۔


22 سال پر مشتمل اپنی فملی کیریئر میں مادھوبالا نے 70 سے زائد فلموں میں اپنی اداکاری کے جوہر دکھائے۔ ان کی مشہور فلموں میں ’مغل اعظم‘، ’چلتی کا نام گاڑی‘، ’برسات کی رات‘ اور ’مسٹر اینڈ مسز 55‘ شامل ہیں۔ گزشتہ سال انٹرنیشنل وومن ڈے پر نیویارک ٹائمز نے 15 قابل ذکر خواتین پر ’تعزیتی مضمون‘ شائع کی جس میں مادھوبالا بھی شامل تھیں۔

15 اکتوبر, 2019
Photo of Rizwan Ali

Rizwan Ali

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button