صحافی علی عمران کی گمشدگی پر وزیراعلیٰ سندھ کا نوٹس
پاکستان میں صوبہ سندھ کی حکومت کے ترجمان مرتضیٰ وہاب نے کہا ہے کہ وزیراعلیٰ مراد علی شاہ نے صحافی علی عمران سید کے لاپتہ ہونے کا نوٹس لیتے ہوئے پولیس سربراہ سے بات کی ہے۔
ترجمان کے مطابق معاملے کی تحقیقات جاری ہیں اور ان کی جلد بازیابی کے لیے تمام وسائل بروئے کار لائیں گے۔ نجی ٹیلی ویژن چینل جیو نیوز سے وابستہ رپورٹر علی عمران سید کی اہلیہ نے جمعے کی رات ایک ویڈیو پیغام میں کہا تھا کہ ان کے شوہر شام سے لاپتہ ہیں۔ اہلیہ کے مطابق علی عمران سید کا موبائل فون اور گاڑی گھر کے باہر کھڑی ہے اور وہ بتا کر گئے تھے کہ قریبی بیکری تک جا رہے ہیں آدھے گھنٹے میں واپس آ جائیں گے۔
CM Sindh has taken notice & spoken to IG Sindh. The matter is being investigated. Will keep u informed about the progress. Insha’Allah all efforts will be made for his recovery https://t.co/b6egpNuiRj
— Murtaza Wahab Siddiqui (@murtazawahab1) October 24, 2020
وفاقی وزیر اطلاعات ونشریات شبلی فراز نے بھی صحافی علی عمران سید کے حوالے سے ٹویٹ کرتے ہوئے ان کےلیے نیک خواہشات کا اظہار کیا ہے۔ شبلی فراز نے لکھا ہے کہ ’میں خلوص کے ساتھ امید اور دعا کرتا ہوں کہ علی عمران سید جلد اپنے اہلخانہ اور دوستوں کے ساتھ ہوں۔‘ سوشل میڈیا پر صحافی تنظیموں اور انسانی حقوق کے کارکنوں نے صحافی کے لاپتہ ہونے پر تشویش کا اظہار کیا ہے۔
I sincerely hope & pray Ali Ìmrañ Syed reunites with his family & friends very soon.
— Senator Shibli Faraz (@shiblifaraz) October 24, 2020
