پی ٹی وی کا شعیب اختر ، ڈاکٹر نعمان میں تلخ کلامی کا نوٹس
پی ٹی وی نے سپورٹس شو کے دوران میزبان ڈاکٹر نعمان اور مہمان شعیب اختر کے درمیان تلخی کا نوٹس لیتے ہوئے تحقیقاتی کمیٹی تشکیل دے دی ہے ، آج اجلاس کے دوران تحقیقاتی کمیٹی ڈاکٹر نعمان نیاز اور شعیب اختر کے مابین پیدا ہونے والی تلخی پر تحقیقات کرے گی۔
پی ٹی وی انتظامیہ کا پی ٹی وی سپورٹس پر شعیب اختر کےساتھ پروگرام میں پیش آنے والے واقعہ کا نوٹس pic.twitter.com/FfHdvDVCTO
— PTV Sports (@PTVSp0rts) October 27, 2021
سپورٹس شو کے دوران تنازع کے حوالے سے پی ٹی وی سپورٹس کے آفیشل ٹوئٹر اکاؤنٹ سے بھی اس حوالے سے بیان جاری کرتے ہوئے بتایا گیا کہ پی ٹی وی انتظامیہ نے واقعے کا نوٹس لے لیا۔26 اکتوبر کی شب پاکستان اور نیوزی لینڈ کے درمیان میچ کے دوران شعیب اختر پی ٹی وی سپورٹس کے پروگرام ’گیم آن ہے‘ میں شریک ہوئے تھے۔
ڈاکٹر نعمان نیاز جوکہ شو کے میزبان تھے نے شعیب اختر سے سوال کیا تاہم ان کے تجزیے کے دوران ہی اینکر نے تلخ رویہ اپناتے ہوئے انہیں شو چھوڑ کر جانے کو کہا تھا اور بعدازاں شعیب اختر شو چھوڑ کر چلے گئے تھے۔
شعیب اختر نے پروگرام میں تجزیہ کرتے ہوئے قومی کرکٹ ٹیم کے کھلاڑی حارث رؤف کی تعریف کی اور پاکستان سپر لیگ (پی ایس ایل) کی ٹیم لاہور قلندرز کو کریڈٹ دینے کی بات کی لیکن انہوں نے بعدازاں غلطی سے شاہین شاہ آفریدی کا نام لے لیا۔
Full Clip of the Phadda between Dr Nauman Niaz and Shoaib Akhtar https://t.co/jHh9JkZ2OC pic.twitter.com/J5hAE8XbBT
— Basit Subhani (@BasitSubhani) October 26, 2021
راولپنڈی ایکسپریس نے کہا کہ عاقب جاوید شاہین آفریدی کو لے کر آئے اور انہیں پلیئر ڈیولپمنٹ پروگرام کا حصہ بنایا‘ جس پر نعمان نیاز نے شعیب اختر کی بات کو کاٹتے ہوئے کہا کہ شاہین آفریدی پاکستان کے لیے انڈر 19 کھیل چکے تھے۔
شعیب اختر نے کہا تھا کہ میں حارث رؤف کی بات کر رہا ہوں جس پر نعمان نیاز نے اپنی بات کو دہراتے ہوئے کہا کہ ’شاہین شاہ آفریدی پہلے پاکستان کے لیے کھیل چکے تھے۔
