یکم نومبر سے پٹرول مزید 7 روپے مہنگا ہونے کا امکان
ملک بھر میں ایک مرتبہ پھر پٹرول مہنگا کرنے کی تیاریاں کی جا رہی ہیں ، یکم نومبر سے پٹرول کی قیمت میں 7 روپے فی لٹر تک اضافے کا امکان ہے۔
آئل مارکیٹنگ کمپنیز کے ذرائع نے بتایا کہ یکم نومبر سے پٹرول کی قیمت میں 7 روپے تک اضافے کا تخمینہ لگایا گیا ہے۔
ڈیزل قیمت میں 9 روپے فی لیٹر تک اضافے کا خدشہ ہے ، اگلے 5 دن امپورٹ ہونے والے تیل کی قیمت کا اتار چڑھاؤ حتمی قیمت کا تعین کریگا۔
واضح رہے کہ حکومت ہر 15 دن میں پیٹرول کی قیمت کا تعین کرتی ہے ، 16 اکتوبر کو پیٹرولیم مصنوعات کی قیمتوں میں 12 روپے فی لیٹر تک اضافہ کیا گیا۔
