11ملکوں  سے مزید 173 پاکستانی ڈی پورٹ، 24 کراچی میں گرفتار

بیرون ممالک میں غیرقانونی رہائش پذیرافراد کے گرد گھیراتنگ،سعودی عرب سمیت 11 ملکوں سے گزشتہ 48 گھنٹے کےدوران مزید 173 پاکستانیوں کو ڈی پورٹ کیا گیا ،24 کو کراچی میں گرفتارکرلیاگیا۔

ذرائع کے مطابق سعودی عرب میں بلیک لسٹ، بھیک مانگنے، منشیات فروشی، غیر قانونی قیام، کفیل کے بغیر کام کرنے، ملازمت سے مفرور اور معاہدے کے برخلاف کرنے پر حراست میں لے کر 94 پاکستانیوں کو ڈی پورٹ کیا گیا۔

رپورٹ کے مطابق  عمان سے 3، تھائی لینڈ سے 1، عراق سے 9، برطانیہ اور قبرص سے 2، موریطانیہ میں انسانی اسمگلنگ کے لیے موجود 5، انڈونیشیا سے 4، اخراجات کے لیے کم رقم لے کر قطر میں پہنچے 2 اور تنزانیہ سے 1 پاکستانی کو بے دخل کیا گیا۔

متحدہ عرب امارات میں جیل رہائی دے کر غیر قانونی کام اور دیگر الزامات کے تحت 39 پاکستانیوں کو گزشتہ 48 گھنٹے کے دوران ڈی رپورٹ کر کے کراچی بھیجا گیا، جن میں آئی بی ایم ایس میں ہٹ 7 بلیک لسٹ افراد بھی شامل ہیں۔