وہ کھانے جو گردوں کی صفائی میں اہم کردار ادا کرتے ہیں

گردے انسانی جسم کے انتہائی اہم حصہ ہیں جو جسم سے زہریلے مادے خارج کرنے کے ذمہ دار ہوتے ہیں اور جسم میں body Fluid کا بیلنس رکھتے ہیں اور electrolytes کی مقدار کو پورا رکھتے ہیں۔ ہمارے جسم میں موجود خون دن میں کئی دفعہ گُردوں سے پاس ہوتا ہے اور گردے اسے ہر وقت صاف کرنے میں مصروف رہتے ہیں اورخون میں موجود نمک اور پانی اور منرلز کو ایڈجسٹ کرتے ہیں۔ ہماری خوراک اگر ٹھیک نہ ہو تو خون میں موجود فاضل گندگی گردوں میں جمع ہونی شروع ہوجاتی ہے اور ان کے کام کرنے کی صلاحیت کو سُست کر دیتی ہے اور اگر یہ کسی بیماری کا شکار ہوجائیں تو یہ کام کرنا بند بھی کر دیتے ہیں اور ایسے میں ان کا علاج جہاں کافی مہنگا ہے وہاں مریض کو انتہائی تکلیف سے گُزرنا پڑتا ہے۔
انٹرنیشنل کڈنی فاؤندیشن کے مطابق دنیا میں کئی ملین افراد گردوں کی بیماری کا شکار ہیں اور ہمارے ملک پاکستان میں مریضوں کی ایک بڑی تعداد اس بیماری میں مبتلا ہے۔
آئیے جانتے ہیں ایسی خوارک کے بارے میں جو قدرتی طور پر گردوں کی صفائی کرکے انہیں تندرست بنانے اور فعال کام کرنے میں انتہائی مددگار ثابت ہوتے ہیں
پانی

پانی قدرت کا انمول تحفہ ہے، پانی زندگی ہے اور اسے زیادہ سے زیادہ استعمال کرنا چاہیے،ماہرین طب کا کہنا ہے کہ ایک مرد کو دن میں کم از کم 13گلاس پانی ضرور پینا چاہیے اور خواتین کو کم از کم 8 گلاس پانی روزانہ پینا چاہیے۔
پانی گردوں سے فاضل مادوں کی صفائی میں اہم کردار ادا کرتا ہے اور Waste کو گردوں سے نکال کر پیشاب کے ذریعے جسم سے خارج کردیتا ہے۔
بند گوبھی

بندگوبھی ایک انتہائی مفید سبزی ہے جو وٹامنز سے بھر پور ہونے کے ساتھ ساتھ اپنے اندر phytochemicals کی ایک بڑی مقدار کے ساتھ اینٹی آکسائیڈینٹ خوبیوں کی حامل ہے، یہ اینٹی آکسائیڈینٹ خوبیاں گردوں کے ڈیڈ سیلز کو مرمت کرتی ہیں اور گردوں کے افعال کو دُرست کرتی ہیں۔
گوبھی
گوبھی وٹامن سی ، فولیٹ اور فائبر سے بھرپور سبزی ہے جو گردوں کی دوست ہے جو اسے خون کو صاف کرنے میں فعال بناتی ہے۔
سیب
روزانہ ایک سیب کھانا آپ کو ڈاکٹر سے محفوظ رکھتا ہے یہ جسم سے کولیسٹرال کا خاتمہ کرتا ہے اور گُردوں اور جگر کو فعال رکھتا ہے۔
پیاز
پیاز بہت سی بیماریوں کا دشمن ہے اس کے اندر موجود flavonoids اور quercetin خون کی نالیوں میں چربی کو جمنے نہیں دیتے اور یہ گردوں کی دوست سبزی ہے جس میں پوٹاشیم کی مقدار نہ ہونے کے برابر ہوتی ہے اور پیاز کا استعمال گردوں کی مجموعی کارکردگی کو بہتر بناتا ہے۔
لہسن
لہسن بیماریوں کے خلاف کسی میڈیکل سٹور سے کم نہیں جو خون کو صاف کرنے میں انتہائی معاون سبزی ہے، اس کی اینٹی آکسائیدینٹ خوبیاں گردوں اور جگر کی مرمت کرنے کے ساتھ ساتھ ان کی صفائی میں اہم کردار ادا کرتی ہیں۔
سرخ شملہ مرچ
سرخ شملہ مرچ جہاں کھانوں کو مزے دار بناتی ہے وہاں اس کے اندر موجود وٹامنز سی، بی 6، اے گُردوں کے لیے انتہائی مُفید ہے اور وٹامن سی گردوں کی صفائی کردیتا ہے، سرخ شملہ مرچ میں فائبر کی بھی ایک بڑی مقدار ہوتی ہے جو نظام انہظام کے ساتھ گردوں میں موجود Waste کو فلٹر ہونے میں مدد کرتی ہے۔
سرخ شملہ مرچ اینٹی آکسائیڈینٹ بھی ہوتی ہے جو گردوں کے ساتھ ساتھ جگر کےلیے بھی انتہائی مفید ہے۔
لیمن جوس
وٹامن سی سے بھرپور لیموں گردوں اور جگر کی صفائی کے علاوہ نظام انہظام کو بہتر بنانے میں انتہائی مدد گار ہے
مچھلی

مچھلی پروٹین حاصل کرنے کا بہترین Source ہے جس میں موجود اومیگا تھری فیٹی ایسڈ گردوں اور جگر میں جمی گندگی کو صاف کرنے میں انتہائی مدد گار ثابت ہوتا ہے۔
تربوز، سرخ انگور، چیری، اسٹابری، بلو بیری
یہ فروٹس وٹامنز منرلز سے بھرپور ہونے کے ساتھ ساتھ پانی سے بھی بھر پور ہوتے ہیں اور جسم میں پانی کی کمی کو پورا کرتے ہیں اور گردوں کی سستی کو دور کرتے ہیں۔
گردوں کی بیماری میں جن کھانوں سے پرہیز کرنی چاہیے
اگر آپ گردوں کی کسی بیماری میں مبتلا ہیں تو تندرست ہونے تک ان کھانوں سے پرہیز کریں۔ پالک، ڈرائی فروٹس، Peanut بٹر، دالیں، سرخ گوشت، زیادہ سوڈیم والے کھانے جیسے نمک، ڈیری، بازاری میٹھے کھانے، کیفین جیسے چائے کافی، ٹماٹر، آلو، الکوحل، کینو وغیرہ۔