غروب آفتاب دیکھنا صحت کیلئےمفید قرار

دن بھر کی تھکن کے بعد غروب آفتاب کا دلکش منظر دیکھنا اکثر لوگوں کے لیے سکون اور راحت کا باعث بنتا ہے لیکن اب سائنس دانوں کا کہنا ہے کہ سورج ڈوبتے دیکھنا محض ایک خوبصورت تجربہ نہیں بلکہ یہ ہماری ذہنی اور جسمانی صحت پر بھی مثبت اثرات مرتب کر سکتا ہے۔

ماہرین کے مطابق انسان طلوعِ آفتاب اور غروبِ آفتاب کو زندگی کے ’قدرتی بک اینڈز‘ یا دن کے قدرتی آغاز اور اختتام کے طور پر محسوس کرتا ہے اور یہی وجہ ہے کہ یہ مناظر ہماری یادداشت، نیند، ذہنی سکون، تخلیقی صلاحیت اور حتیٰ کہ دوسروں کے لیے ہمدردی کے جذبات کو بھی متاثر کر سکتے ہیں۔

ماہرین نفسیات کے مطابق غروب آفتاب انسان میں حیرت کا جذبہ پیدا کرتا ہے۔ یہ وہ کیفیت ہے جو انسان کو کسی عظیم، خوبصورت اور ناقابل بیان منظر کے سامنے محسوس ہوتی ہے۔