بھارت میں سرخ چیونٹیوں سے بننے والی چٹنی مشہورہوگئی

بھارت کی ریاست اڑیسہ میں کھانے پینے کی ایک ایسی روایت بھی موجود ہے جس میں سرخ بنکر چیونٹیوں اور ان کے بچوں کو ایک خاص چٹنی کی تیاری میں استعمال کیا جاتا ہے۔ تیز اور کھٹے ذائقے والی یہ چٹنی مقامی قبائلی برادریوں کی خوراک کا حصہ ہے اور اسے کئی نسلوں سے تیار کیا جارہا ہے۔

مقامی طور پر استعمال ہونے والی سرخ بنکر چیونٹیاں درختوں کے پتوں کو آپس میں جوڑ کر اپنے گھونسلے بناتی ہیں۔ ان کے گھونسلے عموماً صبح کے وقت درختوں سے جمع کیے جاتے ہیں، تاہم اس کام میں احتیاط ضروری ہوتی ہے کیونکہ گھونسلے میں خلل پڑنے پر چیونٹیاں حملہ کرکے کاٹ سکتی ہیں۔