کینسر ویکسین کیلئےاے آئی سپر کمپیوٹر نے کام شروع کردیا

کینسر کے علاج کے لیے ویکسین تیار کرنے والے محققین کو برطانیہ کے طاقتور ترین مصنوعی ذہانت کے سپر کمپیوٹرز میں سے ایک تک رسائی دے دی گئی ہے۔

آکسفورڈ یونیورسٹی کے نفیلڈ ڈپارٹمنٹ آف میڈیسن کی ٹیم کو سرکاری اسکیم کے تحت ڈان نامی سپر کمپیوٹر 10 ہزار گھنٹے کے لیے استعمال کرنے کی اجازت ملی ہے۔

اس منصوبے کے سربراہ ڈاکٹر لینارڈ لی نے کہا کہ یہ منظر سائنس فکشن جیسا لگتا ہے لیکن حقیقت میں 2025 میں یہ ٹیکنالوجی ہمارے پاس موجود ہے اور ہم اسے آزمانے جا رہے ہیں۔

ڈاکٹر لینارڈ لی کا کہنا ہے کہ کینسر ایک نہایت پیچیدہ مرض ہے اور اس کے علاج پر تحقیق کے لیے وسیع پیمانے پر ڈیٹا کی ضرورت پڑتی ہے۔ سپر کمپیوٹر کی مدد سے ہم لاکھوں ڈیٹا سیٹس کو تیزی سے پراسیس کرسکتے ہیں اور پوشیدہ نمونوں کو تلاش کرنے کی صلاحیت حاصل کرلیتے ہیں۔