مختلف ممالک سے مزید 139 پاکستانی بے دخل
مختلف ممالک سے پاکستانیوں کی بے دخلی کا سلسلہ جاری ہے، گزشتہ 48 گھنٹوں میں مزید 139 پاکستانی شہریوں کو مختلف ممالک سے بےدخل کردیا گیا ہے۔
سعودی عرب، قطر، سینیگال، موریطانیہ، عمان اور ملائیشیا سمیت 10 ممالک سے 48 گھنٹے میں مزید 139 پاکستانیوں کو بے دخل کردیا گیا ہے، جن میں سے 15 کو کراچی میں گرفتار کیاگیا۔
امیگریشن ذرائع کےمطابق عراق میں غیر قانونی طور پر داخل ہونےاور زائد المیعاد قیام پر 34 پاکستانیوں کو بےدخل کیاگیا جن میں سے 2 کو گوجرانوالہ پولیس کے حوالے کیاگیا۔
ذرائع کاکہنا ہےکہ عمان سے 24 شہریوں کو غیر قانونی طور پر ملک میں داخل ہونے پر بے دخل کیاگیا۔ جن میں سےایک شہری کا نام آئی بی ایم ایس بلیک لسٹ میں تھا جسے اے ایچ ٹی سی منتقل کیاگیا جب کہ دیگر 2 میں سے ایک کو لاڑکانہ اور دوسرے کو لاہور انتظامیہ کے حوالے کیاگیا۔
سعودی عرب میں بلیک لسٹ،منشیات، چوری،پاسپورٹ کے بغیر اور دیگر الزامات کےتحت 14 افراد کو ڈی پورٹ کیاگیا۔ انسانی اسمگلنگ کا شکار ہونے سے بچائےگئے 3 افراد کو موریطانیہ اور 2 کو سینیگال سے ڈی پورٹ کیاگیا جنہیں اے ایچ ٹی سی نے حراست میں لےلیا۔
ذرائع کاکہنا ہےکہ عرب امارات میں منشیات،چوری، زائد المیعاد قیام،پاسپورٹ کھونے اور دیگر الزامات کے تحت سزا پانےوالے 19 ملزمان سمیت 31 پاکستانیوں کو ڈی پورٹ کیاگیا۔
بلاول بھٹو کی واشنگٹن میں امریکی صدر کے ناشتے میں شرکت
اس کے علاوہ ملائیشیا میں غیرقانونی امیگریشن پر 8 پاکستانیوں کو واپس بھیجا گیا جب کہ ادیس ابابا اور قطر سے 9 شہریوں کو رہائشی قوانین کی خلاف ورزی ، مفرور ہونے،غیر قانونی کام کرنےیا آجر کی شکایت پر بے دخل کیاگیا۔
