جی ایچ کیو حملہ کیس میں عمرایوب ،شبلی فراز سمیت 14رہنماؤں کے وارنٹ گرفتاری جاری

راولپنڈی کی انسداد دہشت گردی عدالت نے جی ایچ کیو حملہ کیس میں پاکستان تحریک انصاف کے متعدد رہنماؤں کے ناقابلِ ضمانت وارنٹ گرفتاری جاری کر دیے ہیں۔

انسداد دہشت گردی عدالت راولپنڈی میں 9 مئی کے واقعات سے متعلق 12 مقدمات، بشمول جی ایچ کیو حملہ کیس، کی سماعت ہوئی۔ دورانِ سماعت، عدالت نے جی ایچ کیو حملہ کیس میں نامزد 14 ملزمان کی حاضری سے استثنیٰ کی درخواستیں مسترد کر دیں۔

عمران خان نے محمود خان اچکزئی کو قومی اسمبلی میں قائد حزب اختلاف نامزد کردیا

جن رہنماؤں کی درخواستیں مسترد ہوئیں ان میں عمر ایوب، شبلی فراز، کنول شوذب، زرتاج گل، احمد چٹھہ، راشد شفیق، رائے مرتضیٰ، بلال اعجاز اور چوہدری آصف شامل ہیں۔

عدالت نے مسلسل غیر حاضری پر تمام مذکورہ ملزمان کے خلاف ناقابلِ ضمانت وارنٹ گرفتاری جاری کرنے کا حکم دے دیا۔