ایشیا کپ،صاحبزادہ فرحان کا50رنزبنانے پرمنفردجشن وائرل

ایشیا کپ ٹی20کے سپر فور مرحلے میں بھارت کے خلاف پاکستانی اوپنر صاحبزادہ فرحان نے شاندار نصف سینچری سکور کرنے کے بعد جشن کا انوکھا انداز اپنایا۔

پاکستان اور بھارت کے درمیان جاری ہائی وولٹیج میچ پہلے ہی نو ہینڈ شیک کے واقعے اور فخر زمان کو متنازع آؤٹ دیے جانے کے باعث موضوعِ بحث بنا ہوا ہے۔ ایسے میں صاحبزادہ فرحان نے اپنی جارحانہ اننگز سے میچ کا رنگ مزید بدل دیا۔

اوپنر نے محض 34 گیندوں پر 50 رنز مکمل کیے اور نصف سینچری کے فوراً بعد بیٹ کو بندوق کی مانند تھام کر فائرنگ کے انداز میں جشن منایا، جس نے شائقین کو حیران اور پرجوش کیا۔

یہ بھارت کے خلاف ان کی مسلسل دوسری نصف سینچری ہے، جس نے پاکستانی اننگز کو مستحکم بنیاد فراہم کی۔