پی ٹی آئی احتجاج کےدوران فیک نیوزپر”واچ ڈاگ “کی رپورٹ آگئی
تحریک انصاف کےاسلام آباد میں ہونےوالےاحتجاج کے دوران عالمی ادارےفیک نیوز واچ ڈاگ نےتحقیقاتی رپورٹ جاری کر دی۔
رپورٹ کےمطابق پی ٹی آئی احتجاج سےچلنےوالی من گھڑت خبروں نےتباہ کن کردار ادا کیا، بغیر تصدیق کےخبروں کےپھیلاؤ سےپاکستان کا عالمی سطح پرچہرہ مسخ ہوا۔
رپورٹ میں بتایا گیاہےکہ وزیر داخلہ سے منسوب آزادکشمیر کے شہریوں سے متعلق خودساختہ اورخطرناک بیان زیرگردش رہا
بانی پی ٹی آئی عمران خان کےمبینہ ویڈیو پیغام سےمتعلق بھی جعلی خبریں چلتی رہیں۔
فیک نیوز واچ ڈاگ رپورٹ میں بتایا گیا کہ علی امین گنڈا پوراوربشریٰ بی بی کی گرفتاری سے متعلق جعلی خبرنےاحتجاج کی شدت بڑھائی#
پمزاور پولی کلینک اسپتال میں سینکڑوں لاشوں کی جعلی خبروں کےبھی منفی اثرات ہوئے۔
واچ ڈاگ کےمطابق اسدقیصر کو پی ٹی آئی چیئرمین بنانےسےمتعلق جعلی خبریں بھی بریکنگ نیوزبنیں، بانی پی ٹی آئی عمران خان کے صاحبزادے سلیمان عیسیٰ خان کے نام سے جعلی اکاؤنٹ سےکارکنان کو اکسایا جاتارہا۔
بانی پی ٹی آئی عمران خان کو اڈیالا جیل سے منتقل کرنےکی خبریں بھی جعلی ثابت ہوئیں۔
اس کے علاوہ فیک نیوزواچ ڈاگ کی تحقیقاتی رپورٹ میں کہا گیاہے کہ احتجاج کے دوران آرمی اکیڈمیزسے600جوانوں کےاستعفے کی خبریں بھی بےبنیاد ثابت ہوئیں
اسد قیصراورمحمود خان اچکزئی پرفائرنگ کی بےبنیاد خبریں بھی چلائی گئیں۔
تحقیقاتی رپورٹ میں کہا گیا کہ قاسم سوری کےبانی پی ٹی آئی عمران خان کی صحت سے متعلق بیانات کےانتہائی منفی اثرات ہوئے۔
ڈی پی او اٹک غیاث گل کی پریس کانفرنس میں پی ٹی آئی احتجاج کی پرانی تصویر چلائی گئی۔
رپورٹ میں لکھا ہے کہ دوران نماز کنٹینر سےگرنےوالےپی ٹی آئی کارکن کی موت کی خبر بھی عالمی سطح پرزیر بحث رہی تاہم گرنےوالےکارکن کے منظر عام پر آنے اور وزیر اعلیٰ کےپی سےملاقات سےموت کی خبریں بھی غلط ثابت ہوئیں۔
رپورٹ میں کہا گیا ہے کہ فیک نیوز کی وجہ سےسیکورٹی اداروں بلکہ پی ٹی آئی قیادت کو بھی شدید مشکلات کاسامنا رہا، فیک نیوز کے متاثرین میں حکومت، سکیورٹی ادارے اور سیاسی جماعتیں شامل ہیں۔
پاکستان میں فیک نیوز کے سدباب سے متعلق ہنگامی بنیادوں پر اقدامات کی ضرورت ہے۔
