ریکوڈک منصوبے کیلئےساڑھے3ارب ڈالرزکافنانسنگ معاہدہ طے
پاکستان کا بلوچستان کے تاریخی ریکوڈک منصوبے کے لیے 6 بین الاقوامی مالیاتی اداروں کے ساتھ ساڑھے 3 ارب ڈالرز کا فنانسنگ معاہدہ طے پا گیا ہے۔
پاکستان نے بلوچستان کے تاریخی ریکوڈک منصوبے کے لیے چھ بین الاقوامی مالیاتی اداروں کے ساتھ 3.5 ارب ڈالرز کے فنانسنگ معاہدے پر دستخط کر دیے۔
ذرائع کے مطابق یہ معاہدہ ریکوڈک کے کان کنی اور ترقیاتی مرحلے کی مالی معاونت کے لیے کیا گیا ہے۔
تفصیلات کے مطابق جن بین الاقوامی اداروں کے ساتھ معاہدہ طے پایا ہے ان میں یو ایس ایگزم بینک، ایشیائی ترقیاتی بینک، انٹرنیشنل فنانشل انسٹیٹیوشنز، انٹرنیشنل ڈیولپمنٹ ایسوسی ایشن، اور یورپین بینک شامل ہیں۔
ذرائع کے مطابق یہ ادارے آئندہ 45 سے 90 دنوں میں شرائط پوری کرنے کے بعد فنانسنگ کا عمل شروع کریں گے، معاہدے کے تحت ڈونرز کو 4 سے 5 سال کا گریس پیریڈ دیا گیا ہے جبکہ قرض کی واپسی 12 سال میں مکمل ہوگی۔
فنانسنگ پر سنگل ڈیجٹ شرح سود پر اتفاق کیا گیا ہے، اور اگر عمل درآمد تیزی سے مکمل ہوا تو پہلی قسط دو ماہ کے اندر جاری کی جا سکتی ہے۔
