پاک بھارت کشید گی میں امن کے حق میں بیان دینے پر ہندو انتہا پسندوں کی نامور مسلم صحافی کو سنگین دھمکیاں

معروف بھارتی  سینئر صحافی عارفہ خانم شیروانی کو جنگ کے خلاف اور امن کے حق میں بیان دینے مہنگے پڑ گئے ۔   ہندو انتہا پسند نفرت انگیز مہم، دھمکیوں اورفحش پیغامات کا نشانہ بنانے لگے ۔

عارفہ خانم شیروانی دی وائر کی سینئر ایڈیٹر اور ایوارڈ یافتہ صحافی ہیں تاہم جنگ کےخلاف اور امن کےحق میں بیان دینے پر ہندو انتہا پسندوں کی طرف سےاُنہیں ملک دشمن اور غدار قرار دیا جا رہا ہے۔

فیکٹ چیکنگ ادارے آلٹ نیوز کےشریک بانی محمد زبیر کےمطابق یہ ہراسانی محض اتفاقیہ نہیں ہے، یہ ہندوتوا نائٹ نامی اکاؤنٹ سے کی جا رہی ہےجو پہلےبھی کئی مسلم صحافیوں کو نشانہ بنا چکا ہے۔

پاکستان جدید ہتھیاروں سے لیس ہے ، مودی حکومت کو مزید مہم جوئی کا آغاز نہیں کرنا چاہیے: بھارتی رکن پارلیمنٹ

 

بھارتی پولیس اورحکومت کی جانب سے نامور مسلم خاتون صحافی عارفہ خانم شیروانی کو ملنے والی دھمکیوں پر تاحال کوئی بیان سامنےنہیں آیا۔

اس حوالے سےناقدین کا کہنا ہےکہ بھارت کی ہندو انتہا پسند سرکار کی خاموشی ایسے حملوں کی حوصلہ افزائی کرتی ہے اور مسلمانوں سمیت دیگر اقلیتوں میں خوف و ہراس پھیلتا ہے۔

دوسری جانب گودی میڈیا کے نام نہاد ٹی وی اینکر ارناب گوسوامی بھی پاکستانیوں کو دھمکیاں دینے پر اتر آئے۔

یاد رہےکہ پاکستان کی مسلح افواج کی جانب سے منہ توڑ جواب کھانے کے بعد بھارتی میڈیا اور حکومت بوکھلاہٹ کا شکار ہے، بھارتی اپوزیشن جماعتوں اورسینئرصحافیوں کی جانب سے مودی سرکار کو شدید تنقید کا نشانہ بنایاجا رہا ہے۔

Back to top button