عمران خان جیل سے دھمکیاں دیں گے تومشکلات بڑھیں گی،راناثنا

مسلم لیگ ( ن ) کے سینئر رہنما رانا ثناء اللہ نے کہا بانی پی ٹی آئی عمران خان جیل سے بیٹھ کردھمکیاں دیں گے تومشکلات مزید بڑھیں گی۔

وزیراعظم کے مشیر رانا ثناء اللہ کا نجی ٹی وی سے گفتگو میں کہنا تھا کہ بانی پاکستان تحریک انصاف عمران خان کو اڈیالہ جیل سے تحریک نہیں چلانے دیں گے۔ اسٹیبلشمنٹ کا مؤقف ہے کہ سیاسی جماعتیں آپس میں بات کریں ، وزیراعظم شہباز شریف نے پی ٹی آئی کو 3 بار بات چیت کی آفر کی جبکہ انہوں نے بجٹ کے دوران بھی مذاکرات کی پیشکش کی، جمہوریت مذاکرات سے ہی آگے چلتی ہے۔

راناثنااللہ کا کہنا تھا کہ 2018 کے الیکشن میں ہماری 45 سیٹیں چوری کی گئی تھیں۔پی ٹی آئی کے ساتھ سنگجانی میں سنجیدہ مذاکرات ہوسکتے تھے ۔تحریک انصاف والے اگر غلطیاں دہراتے رہے تو ان کے ساتھ ایک اور 8 فروری ہو جائے گا۔بانی پی ٹی آئی عمران خان دھمکیاں دیں گے تو مشکلات بڑھیں گی اور انہیں جیل سے تحریک نہیں چلانے دیں گے۔