عمران خان نے شیر افضل مروت کو ملاقات کیلئےبلا لیا
بانی پی ٹی آئی عمران خان نے پارٹی سے فارغ کیے گئے رکن قومی اسمبلی شیر افضل مروت کو ملاقات کیلئےبلا لیا۔
میڈیا رپورٹس کے مطابق شیر افضل مروت کو پارٹی رہنماؤں نے یہ پیغام پہنچایا ہے کہ عمران خان نے انہیں ملاقات کیلئے بلا لیا ہے۔شیرافضل مروت کے مطابق انہیں پارٹی کے ایک ممبر اسمبلی نے بتایا ہے کہ عمران خان ان سے ملاقات کرنا چاہتے ہیں۔ ’بانی پی ٹی آئی سے ملاقات میں شکوہ کروں گا کہ مجھے سنے بغیر پارٹی سے کیوں نکالا۔؟
اس سے قبل یہ خبر سامنے آئی تھی کہ پی ٹی آئی کےپارلیمانی پارٹی ارکان نے یہ فیصلہ کیا ہے کہ وہ شیر افضل مروت کےحق میں عمران خان کو پیغام بھجوائیں گے۔
پی ٹی آئی کے پارلیمانی پارٹی اجلاس میں بیرسٹر گوہر، جنید اکبر، زرتاج گل اور دیگر ارکان شریک ہوئے تھے۔ اس دوران شیر افضل مروت نےجذباتی ہوکر کہاکہ مجھے کیوں نکالا؟
پارلیمانی پارٹی کے ارکان نے مطالبہ کیاکہ شیر افضل مروت کو پارٹی سے نکالنے کے فیصلے کا دوبارہ جائزہ لیا جائے، جس پر بیرسٹر گوہر کا کہنا تھا کہ پارٹی کا معاملہ اندرونی سطح پر ہی حل کرلیا جائےگا۔
