بھارتی دفاعی اتاشی کا پاکستان سے جھڑپ میں طیاروں کی تباہی کا اعتراف
بھارت کےانڈونیشیا میں دفاعی اتاشی نے پاکستان کےساتھ فضائی جھڑپ میں بھارتی طیارے تباہ ہونےکااعتراف کرلیا۔
بھارتی بحریہ کے کیپٹن شیو کمار نے انڈونیشیا میں سیمنار سے خطاب کرتے ہوئے تباہ ہونے والے بھارتی جنگی جہازوں کی تعداد بتانے سے گریز کیا۔
بھارتی دفاعی اتاشی کیپٹن شیو کمار نے کہا کہ بھارتی جنگی جہاز گرے تو تھے لیکن اتنے نہیں جتنے بتائے جارہے ہیں، انہوں نے ساتھ عذر بھی تراشا کہ بھارتی جنگی طیارے اس لیے مارے گئے کیوں کہ سیاسی قیادت نے بھارتی فضائیہ کو پاکستان کے فوجی اہداف کو نشانہ نہ بنانے کی ہدایت کی تھی۔
بھارتی دفاعی اتاشی کا بیان کے بعد کانگریس نے مودی سرکار پر تنقید کرتے ہوئے کہا کہ مودی سرکار نے قوم کو گمراہ کیا اور یہ بتانے میں ناکام رہی کہ آپریشن سندور میں بھارت کے کتنے جنگی جہاز تباہ ہوئے۔
