کراچی : ایک مرتبہ پھر زلزلے کے جھٹکے، شدت 2.6 ریکارڈ
شہر قائد ایک بار پھر زلزلے سے لرز اٹھا۔کراچی کے مختلف علاقوں میں ایک بار پھر زلزلے کےجھٹکے محسوس کیے گئے ہیں۔
زلزلہ پیما مرکز کےمطابق ریکٹر سکیل پر شدت 2.6 ریکارڈ کی گئی،زلزلے کی گہرائی 40 کلومیٹر زیر زمین تھی،مرکز ملیر کے جنوب مشرق میں 3 کلومیٹر کی دوری پر تھا۔
زلزلے کے نتیجے میں لوگوں میں خوف وہراس پھیلا اور کئی لوگ گھروں سےنکل آئے۔
یاد رہےکہ بلوچستان کے علاقے تربت میں بھی 3.8 شدت کا زلزلہ آیا،زلزلہ پیما مرکز کےمطابق زلزلے کا مرکز تربت سے 40 کلو میٹر شمال مغرب میں تھا، زلزلے کی گہرائی 34 کلو میٹر ریکارڈ کی گئی تھی۔
واضح رہے کہ یکم جون سے کراچی میں شروع ہونےوالے زلزلوں کے جھٹکوں کی مجموعی تعداد اب 40 ہوچکی ہے۔
سونامی وراننگ سیل کراچی کے سربراہ امیر حیدر نے گزشتہ دنوں اعتراف کیاتھا کہ ملیر اور ملحقہ آبادیوں میں 2011 اور 2012 کے علاوہ ہر سال زلزلے آئے، 2009 میں 3 ماہ تک 15 کےقریب زلزلے آئے۔
انہوں نے کہا تھاکہ حالیہ زلزلوں کی فریکونسی آہستہ آہستہ کم ہو رہی ہے، ماضی میں آلات کی کمی کی وجہ سے زلزلے بروقت ریکارڈ کا حصہ نہ بن سکے، 14 ستمبر 2003 کو کراچی میں سب سے زیادہ 4.6 شدت کا زلزلہ ریکارڈ ہوا تھا۔
