ایران کے پاس ہزاروں بیلسٹک میزائل ہیں: اسرائیلی مشیر قومی سلامتی

اسرائیل کےمشیر قومی سلامتی کا کہنا ہے کہ ایران کے پاس اب بھی ہزاروں بیلسٹک میزائل موجود ہیں۔

اسرائیلی میڈیا کےمطابق اسرائیل کے مشیر قومی سلامتی زاچی ہنیبی نے کہا کہ ایران کے ساتھ موجودہ لڑائی کوئی ایسی جنگ نہیں جو طویل مدت کے لیے ایرانی خطرے کو ختم کردے۔

اسرائیلی مشیر نےکہا کہ ایران کے پاس اب بھی ہزاروں کی تعداد میں بیلسٹک میزائل موجود ہیں۔

برطانیہ ایران کے ساتھ تنازع میں اسرائیل کی مدد کرسکتا ہے ، برطانوی وزیر خزانہ

یاد رہےکہ چند دن قبل بھی زاچی ہنیبی نے اپنے ایک بیان میں کہا تھا کہ ایران کے ایٹمی پروگرام کو فوجی مہم سے مکمل طور پر تباہ نہیں کیا جا سکتا۔

اسرائیلی میڈیا کی رپورٹ کےمطابق اسرائیلی فوجی تجزیہ کاروں کا اندازہ ہےکہ سیکڑوں میزائل فائر کرنے کے باوجود اب بھی ایران کے پاس 1500 سے 2000 میزائل موجود ہیں۔