سینیٹر فیصل جاوید کو اسمبلی ہال سے نکال دیا گیا

قومی اسمبلی اجلاس کے دوران سینیٹر فیصل جاوید کو اسمبلی ہال سے نکال دیا گیا، قومی اسمبلی میں اپوزیشن کے 176 اور حکومت کے تقریبا 100 ارکان شریک ہیں، فیصل جاوید ہال کے اندر آگئے تھے جس پر ہال میں موجود سکیورٹی عملہ نے انہیں باہر نکالا۔

قبل ازیں سینیٹر فیصل جاوید نے میڈیا سے گفتگو کرتے ہوئے کہا کہ عمران خان قوم کیلئے ڈٹ کے کھڑے ہیں، وہ بھگوڑوں کی طرح باہر نہیں بھاگیں گے، عدالتی فیصلے کی قدر کرتے ہیں۔

ووٹنگ نہ ہوسکی، قومی اسمبلی کا اجلاس ساڑھے 12 بجے تک ملتوی

سینیٹر فیصل جاوید نے بتایا کہ اپوزیشن کے تین ایجنٹس نے پارلیمنٹ پر حملہ کیا ہے، ضمیر فروشی کرکے انہوں نے آئین سے غداری کی ہے۔