ماہرہ خان کو بولڈ تصاویرشیئرکرنے پرتنقید کا سامنا
پاکستانی اداکارہ ماہرہ خان کو انسٹاگرام پر بولڈ ویڈیوز اور تصاویر شیئر کرنے پرشدید تنقید کا سامنا کرناپڑ رہا ہے۔
اداکارہ نے چند دن قبل ساحل سمندر پر کرائے گئے اپنے فوٹوشوٹ کی تصاویر اور ویڈیوز شیئر کیں،جن میں انہیں سرخ اور نارنجی رنگ کے لباس میں دیکھا گیا۔
تصاویر اورویڈیوز میں اداکارہ نے سرخ اور نارنجی رنگوں کے امتزاج کی ساڑھی پہن رکھی تھی اور انہوں نے لباس کی مناسبت سے میک اپ بھی کررکھا تھا۔
ماہرہ خان کی جانب سے شیئر کرہ تصاویر اور ویڈیوز کو کافی سراہا گیا،لوگوں نے ان کی خوبصورتی اوراداؤں کی تعریفیں بھی کیں۔
اداکارہ کی تعریفیں کرنے والے صارفین نے ماہرہ خان کو برے کمنٹس پرتوجہ نہ دینے کا مشورہ بھی دیا اورانہوں نے اداکارہ کے اندازاوراداؤں کو خوب پسند کیا۔
جہاں صارفین نے ماہرہ خان کے لباس اور اداؤں کو پسند کیا،وہیں سوشل میڈیا صارفین نے ان کے انداز کو تنقید کا نشانہ بھی بنایا اور انہیں بولی وڈ اور بھارتی اداکاراؤں کی کاپی کرنے کی کوشش قرار دیا۔
